الموقع التجريبي للشاعر محمد حوقان المالكي

مسرح الطفولة

هذا المكان الذي احتوى طفولتي بكل ما فيها من مفارقات مكان عزيز على نفسي اشعر اني لا ازال طفل كلما نضرت اليه

الحكاية

ابي......
وش تبي؟....يالله احكي لي حكاية...اعطني وجهك
من يشوفك يحسبك راقد....مانت شايفني انا خالد,,,,,,,,
خالد
كم وصل عمرك ثلاث سنين والاخمس؟؟؟؟؟؟؟؟؟
مدري....كنه امــــــــس يوم انا مثلك.
وانا طفل بري...م-اعرف اكره م-اعرف احقد
جوهري................... الله مانظف جوهري
منظري....................والله انه مايسرك منظري
ماعلىّ الاثياب مقطعة .....ومرقعة ....ومبقعة....وحالتي حاله
بس والله ان لاهمّ على قلبي ولاهم يحزنون

ايه وانا بوك.....
اذكر اول يوم لي بالمدرسه
كانوا يقولوا لابوي ...انتبه ولدك تلاقيه السباع وتفرسه
اذكر ان اول مدرس شافني ...لامني مدري شتمني
المهم انه ضربني كف
وصاح فيني انثبر فالصف
كان متعجرف رهيب....وكنت انا كائن غريب
عاصب راسي بقطعه من كفن جدّي.....ولاني شايف قدّي
بس والله ان عشرين الف صرخه نخنلج في داخلي.......النجاة؟؟؟؟؟
وكنت سامعها النجاح.......ونجحت
وكبرت...وتوظفت وحصلت على الشهادة

اصدقائي كلهم كانوا اثنين وكنت انا........... الرابع
واسمع اللي صار؟؟؟؟؟
اصبحوا من فيئة التجار....
الا انا من شلّة الشعار...قصدي فيئة الشعار..
لابارك الله في فيئتهم من فيئه...كذب...... ونفاق
وحالة ماهي بحاله ....مزرئية
اي نعم
صرت شاعر يكسر الخاطر
شاعر يهتم بالمعنى ولايعنونه اصحاب المظاهر
أن اجاد الشعر قالوا ساعدوه اكبر عفاريت المشاعر
شاعر من يوم كان صغيريحفظ.....
طلع البدر علينا.
وبلاد العرب اوطاني.
ولكنه نسي
صار يحفظ شطر من بيت اعتقد ماهو لحاله..
كل واحد يحفظه واعتقد مفروض يكتب فوق مدخل كلّ بيت
هل تذكرتوه
(الاهبي بصحنك فاصبحينا)
هذا شطر الكادحين
اما شطر الاغنياء
جيبي خمور الاندرينا
بس...خذ مني نصيحة...لاتعرض للصحافة
في سبيل انك تشوف اسمك على صدر الجريدة
لازم ان شفت المحرر تمدحه وتقبل ايده
وان طلب منّك قصيدة..خلها ثنتين
واحدة تمدح بها الدور الريادي للصحافه
واحدة تشتم بها من يتهمهم بالتخلف واللقافه
قلهم واين الثقافة والحصافة
كن عصا بيد المحرر.......
كن مثيل البوق نسمع صوته المزعج وهو منفوخ فيه
اكتب اسمك مستعار ...ولايعرفه غير سيدّك المحرر
ان نجح راحت عليك.....
وان فشل حرض عليك
واسقاك نفس الكاس وتمنن عليك
ولابحث لك عن مبرر
وانتبه من سطوة المتعاونين السادة المتلونين

انت كل الي يهمك (يالله احكي لي حكاية)
مادريت ان الحكايات اللي اعرفها تجيب الهمّ
لكن اسمع.....
كنت انا ......واحمد...عبدالله....وانا
اربعه ...والصحيح انّا ثلاثه
وكنت اصر على اربعه
ليش...؟؟؟؟؟؟
كنت اعد نفسي مرتين
ابتسم خالد.....
وقال الله اكبر يا ابي
توىّاعرف ليه ماتزهمني الاياغبي
اثره اسم على مسمى وانت ابي
وكلما حاولت اوضح لك كلامي تعترض
افترض....
ان السلالات التي مثلك تموت وتنقرض
بعد عام الفين
ماهو افضل من وجود السادة المتخلفين
وتجاهلته وكني ماسمعته.......وقمت اكمل له كلامي
قلت كنت اعد نفسي مرتين
وكبرت. وتوظفت . وحصلت عاى الشهادة
التفت خالد وهو متجهم الوجه وسألني
كيف وش يعني توظفت
وسكت
قال جاوب
لاتماطل
قلت وانا ابوك لاتستعجل اصبر
لين تتعلم وتكبر
قال لاهالحين قلي
قلت له ........طيب
وهذا وجهي اما صرت عاطل
الوظيفه....
اولا مفروض اذا شفت المدير تقدسه..
وان حضر متجهم الوجه انتفض
وان ضحك..تضحك معه..وان تكلم تنكتم
وتعتبر هرجه وضحكه جزء من احدث قوانين العمل
لو تشوف ابوك اذا صار اجتماع
اترجم احساسه واحقق رغبته وانسى قناعاتي
مقدر اتكلم ولالي حيلا يا ابوك اعترض
وان خطر في بالي اتكلم على نهج الاوادم
اتهمني بالمرض
وقال ..كلكم اوباش يتساقا بعضها من بعض
وانت وانا ابوك...لاتكبر مثيلي ماتعرف الا الحقيقة
انا جربت الصراح....والوقاحة
والثقافة.....واللقافه
مانجحت
النفاق احسن طريقه....وادهن السير ويسير
صدق من يقول ان الغنى والقصور قبور
لو ان البعض قالوا صديق الفتى جيبه
الانسان ياخالد وانا ابوك ماله دور
حياته مشاكل مثلما موته مصيبة
ترى الشاعر اللي كل همه رضى الجمهور
يصادر قناعاته ويفقد مطاليبه
يقول المثل رزق المزارع فالارض البور
مثل م-ان رزق الصقر سطوة مخاليبة
ترى الشعر شاهد بس هالحين شاهد زور
لو انه رجل كان اقضبوه ابتلابيبه
نضر لي بعين كلها بخترة وغرور
وشات اللحاف وقام يهذي بكاذيبه
يقول اسكت الله لايهينك وطف النور
وخذها نصيحه من ولدك اترك الريبه
قصايدك صحراء جرهديه بدون بحور
قصايدك دفتر كل الاطفال تلهي به
اذا مايكون الشعر عبرة ونزف شعور
الاعمى يناضر به والابكم يغني به
على الحرام ان الذي يتركه معذور
واذا قابله شاعر يقطع عراقيبه

ياسيدالحسن

ياسيّد الحسن حبك في فؤادي نما
وانا عطيتك حياتي يوم ربي عطاك
ما اعطيت روحي لغيرك لو يحب السما
تستاهل الحب واللي يحسدونك فداك
قمت اشتكي لك ضماى وقلت لي مثلما
جيت ارتوي منك وعيونك سقتني ظماك
عين تكحل بشوفك مايجيها العما
محتاج لك حيل اسولف لك واسولف معاك
ياغادة الغيد ياعين ذبحها الضما
الورد لاماك والانفحة من شفاك
يانور بدرعلى وجه الضلام ارتما
كل النجوم البهيه تختفي في سماك
سالتك النور منك وقلت لي ربما
سألني الليل عنك وقام يطلب رضاك
حبيبي ارفق بروحي ياحسين اللما
اسالك بالله ترحم ميت في هواك

للمراسلة
binhougan@hotmail.com

RSVP here

binhougan@hotmail.com

للاستفسار او السؤال
محمد حوقان المالكي
053040504 binhougan@hotmail.com